Blomkal_6.jpg

Útirækt

Garðyrkjustöðin Flúða-Jörfi er með mikla útirækt í Hvítárholti og er okkur umhugað að ganga vel um landið.  Til þess stundar garðyrkjustöðin skiptirækt með káli og gulrótum annars vegar og korni og hveiti hins vegar.

Korneða hveiti  er ræktað í tvö til þrjú ár í jarðveginum áður en skipt er yfir í kál og það ræktað í nokkur ár áður en skipt er aftur yfir í korn. Þetta gerir það að verkum að ekki er gengið nærri jarðvegi. Ræktuð eru 50 tonn af spergilkáli, 50 tonn af hvítkáli, 30 tonn af rauðkáli, 20 tonn af blómkáli og grænkáli, 30 tonn af regnboga gulrótum og 200 tonn af gulrótum, sem gera samtals yfir 380 tonn á ári.

Ylrækt

Í garðyrkjustöðinni Flúða-Jörfa eru ræktaðar paprikur 10 mánuði á ári og tómatar allt árið. Gróðurhúsin sem þekja um 5000 fermetra, eru lýst með raflýsingu og eru hituð upp með jarðhita.  

Lífrænar varnir eru notaðar til varnar meindýrum, auk þess sem býflugur sjá um frævun blómanna og stuðla þannig að stærri og safaríkari aldinum. Árs ræktun er um 100 tonn og má ætla að það séu um 400 þúsund paprikur.

Á uppskerutímanum eru paprikur klipptar af plöntunum tvisvar í viku, þeim pakkað samdægurs og sendar á markað.

Garðyrkjustöðin á Flúða-Jörfa er hituð upp með vatni frá Hitaveitu Flúða, en aðgangur að miklu magni af heitu vatni er frumskilyrði ylræktar af þessu tagi.  

Við ræktunina er notað hreint vatn og áburður, auk þess sem kolsýra (CO2) er skömmtuð inn í gróðurhúsin til að örva aldinframleiðslu plantnanna. Þetta allt ásamt gnægð sólarljóss, raflýsingar og mikilli vinnu gera paprikurnar að hluta af þeirri litríku flóru sem íslenskt grænmeti er.

Einnig eru eru ræktuð um 100 tonn af tómötum árlega.

 
 
næringartafla_web-01.png
 

Íslenska
English